何謂規律的生活?
每天七時起床，梳洗更衣，吃媽媽準備的早點，時間不及的話會外帶。
這個習慣，從小學開始。早點必定有一杯牛奶，及一份中/西式包點，最近吃的是芝士蛋/火腿三文治。無錯，這麼大個人媽媽還是會為我們準備早點的。所以說，有媽的孩子像個寶。
八時出門，在地鐵車廂裡人逼人的玩過一輪平衡遊戲，準時到達公司。
六時多放工返家，沐浴更衣吃晚飯。飯後還有專人(爸爸/媽媽)將水果去皮端到手，所謂的飯來張口，該是這個意思吧。喜歡吃水果的我，不愛連皮吃，媽媽曾經嚐試叫我們自己去皮，但結果就是我跟貓妹寧願不吃。為了要我倆每日至少有一果，就只好配合我們，大的蘋果榴槤橙如是，連葡萄山竹楊桃亦是。
飯後便上上網及看電視，做個名副其實的大少姐。
晚上約十二時就寢，計劃想再早一點。
最近的生活，就是如此。
嗯，對於夜貓如我，會否有點太過規律?
瀏覽時間：
12 則留言:
其實我未嫁前就是這樣生活, 那時感覺媽媽好煩成日問我食咩餸,而家生果又冇人切比我食, 又要自己煮自己拖地!! 我好想過回以往規律的生活呀!!!
oh! 你好幸福呀! 媽媽照顧得好周到呀! 將來你同妹妹都嫁o左, 爸爸媽媽可能會好失落呀, 因為冇服侍對象~
我媽媽就懶好多啦 ~
咦 ... 你宜家仲有冇學野呀?
wa...係dad/mom對你真好 e個係我既夢想..(有個咁既家) 恭喜
我e家都盡量咁樣對bube..hehe....
哈哈！其實你應該將個標題改成 "何謂幸福" 呀！嚴格上，我阿媽係無乜點做過以上嘅事，一切都係靠自己...
咁你記得俾返多d家用屋企喇！
我係屋企既時候都係甘架...嫁左反而變左妹仔..好掛住爸爸媽咪呀~
嘩，真係超幸福呀！我一日三餐都o係外面食，冇食住家飯好耐。對上一次住家飯我都係自已煮咋。
你呀, 好心就幫忙下, 太辛苦他們了.
我未試過有早餐供應 ><
不過晚餐就肯定有得食, 一星期都有4-5日有湯飲. 不過無你咁嘆....我要執碗抹(木台)倒垃圾, 有時要切生果.
你真係大小姐.
如果我可以咁規律生活就好了.令人羨慕
我父母都係香港，不過係我自已呢輪忙冇時間同佢地食飯。出街食唔只悶仲好唔健康。
haha, be a tall and healthy cat
發佈留言