約了好久不見的友達P跟E，去了旺角晚飯。
旺角有很多餐廳，但老實說我很怕到這區吃飯，因為眾多的選擇中好像沒什麼選擇。
這間位於兆萬中心的餐廳風評不俗，決定試試。謝謝友達P訂了檯，得以安排卡座。
由於真的好久不見，大家急不及待訴說近況，談了半個鐘才點菜。
醉雞，還可以，肉很嫩。
小籠包，OK。
蘿蔔酥，看見這個我想起吃早茶。這裡做的還不錯。
甜酸排骨，本來是點了黑醋排骨的，但大家吃到最後才驚覺這個是甜酸排骨囉！
鮮蝦水餃，一客六粒。一般水準，不過不失。
三鮮炒年糕，吃到這裡大家都已經很飽喇~ 年糕有點糊。
杞子圓肉桂花糕，清清甜甜的有點桂花香。對於那位年紀最小的友達E卻嚷著要去眼紋、抗老等等，這個甜點最適合啦！
買單約四百。
花滿樓
地址：旺角西洋菜街1號兆萬中心10樓
電話：3743 1977
瀏覽時間：
15 則留言:
嘩！好豐富呀！三個人食到咁多野
我好鍾意食上海年糕ga, 炒同放湯都好食!
食過中環果間, 最正就係杞子圓肉桂花糕.
杞子圓肉桂花糕 可以去眼紋、抗老???? 咁補ga??
我前兩日先至同朋友去完兆萬上面果間藏 x 日本料理食完。
d野食都算唔錯，清酒就真係清左d，但overall都ok。兩個人食埋單$300，響旺角尼講都算貴，唔能夠話係物超所值，但係一試無妨。
旺角既環境唔係咁好，會令人食慾大減。
我都食過中環果間，佢地個松子桂花魚都唔錯架。
唔，我記得以前去中環果間個Menu有印旺角間地址，不過頭先上花滿樓wesite又唔覺有寫，我等佢開左打去問完再話你知。
上海菜我鍾意呀~~ 其實旺角真係冇咩好食架!! 上次試過兆萬的藏戶唔錯架!!!
中環果間同旺角係同集團架！
杞子圓肉桂花糕好想食呀! 上次在都會海逸的 Promenade Restaurant tea buffet食過, 沒圓肉的, 但都好好食.
你都算食得唔多嗎? 次次都叫很多,好豐富, 雖然同友達share.
唉我尋晚諗住出個新post，set左10分鐘後出，到宜家都出唔到！Yahoo Blog維修兩日都唔見好左law ！
你都叫"食唔得多"? 次次見你都好豐富, 好多碟, 雖然同友達分享, 但都係好多呢.
自從朗豪坊發生「米奇事件」後，我都冇意欲去果度食住，至少唔會去果層果幾間。仲記唔記得以前果度有間 "阿拉麵館" ？
成日都見到郭少芸！
發佈留言