友達G提議坐直昇機前往,這位友達永遠都是充滿驚喜,比Kinder出奇蛋還要出奇!
永利酒店,其接駁車竟然於晚上12時就停止服務,但其他酒店的車還在載客啊!唯有等候的士,這個場景跟在杭州時有點像(參考舊文),友達G說好像我倆每次出外都要等很久才有的士...囧
12時多,終於到達酒店。
甫到達酒店,行裝也不放下(其實也沒有什麼好放)便直入賭場,因為另外兩位友達A&E已在場內邊吃「晚飯」邊等我們。
這間是賭場內的中菜餐廳叫做Red 8。高貓只吃了小籠包及芝麻糊,小籠包蠻好吃,芝麻糊就一般而已,據友達A說這裡的楊枝甘露做得不錯。至於友達G的牛筋麵,可以填肚就是了,吃麵的話還是黃枝記好。
吃飽後,兩位賭神便領我跟友達G到廿一點(Black Jack)的賭檯準備「出糧」。
首先友達E拿出一疊紙幣跟荷官換籌碼,高貓看見這堆錢已覺得很耀眼,想不到一山還有一山高,友達A要換的是更多!有6位數字呀!!!這麼一幢的萬元籌碼,真是蔚為奇觀。
果然是青年財俊!
跟著兩位賭神在不同的賭檯穿梭,感覺很新鮮。不諳賭術的高貓實在是獲益良多,學到玩black jack旳一些方程式及秘訣,知道了什麼是百家樂、輪盤及Caribbean Poker,兩位財子亦大方地「玩」給我們看,多謝示範!
一直到早上5時,財子們收穫甚豐,是時候回房休息了。
13 則留言:
why go so late gei~
真係好突然, 但好彩book到酒店
嘿嘿, 如果你上年12月去, 我地可能有一面之緣呢~ 我個時仲係信德中心返工架~
右脾:因為係無預期去架,玩即興! Katie :我完全無諗過book唔book到呢個問題,朋友叫我去時已有另外兩位坐船去緊,順便幫我地book埋,諗番先發覺好好彩!咁都有房,但兩間房距離好遠! 蛋泥屎 :係? 係咪都係賣turbo jet? 我地一去到信德即到turbo jet個櫃檯,買完飛即上船~
好想快啲睇吓你個奇妙之旅, 快啲post續集
你係食完飯就連衫都唔執即刻坐船過澳門?!
Katie :寫咗少少,止住渴先~ 傻羊 :係呀!哈哈~ 因為朋友call時我做緊facial,咁一早預咗係Qi Shiseido沖埋涼先走,所以咁啱得咁橋可以就咁過去囉~
嘩!有得賭有得食咁好玩呀!廿一點同加勒比海我都好鐘意,不過睇多過玩! 永利我都想住呀~~係咪好靚好貴架??
細細:我覺得最好玩都係21點,其他全部都控制唔到要靠運氣!永利d房好靚架,請看下回分解。
6位數 , 我一定唔捨得. 我唔識亦唔鍾意賭錢, 如果輸咗我肯定好肉赤~~~
Katie :其實佢地都無動用到咁多籌碼,都係用黎backup,呢d叫輸人唔輸陣! 但我都唔賭的,所以都係第一次見咋!
賭成十皮野就真係倒錢落海,雖說係backup,但係最怕輸左忍唔住想回本,搞到越輸越甘!所以叫你朋友小心小心! 咁最後你地贏定輸呀?
傻羊 :我見佢都幾有節制,如果個勢唔好會轉做$100注,個牌面好先會split或加注,佢話d backup就係留番呢個時候用,所以成晚我都無見佢動用到d大籌碼,我諗流動籌碼約1-2萬啦~ 我好好定力,全程無落注(其實因為無預錢去賭 ),友達G輸幾百,另外兩位財子當然係贏錢啦~ 一位贏5位數,另一位都有4位數,戰績相當唔錯呀!
發佈留言