一直以為今個星期日才是父親節，當數日前得知上星期日是父親節，臨時翻雜誌，見到這間餐廳，猜想不會滿座。著貓妹致電，果然是有檯的。
餐廳位於印度會內，但對外開放，不是會員亦可。
樓底很高，感覺像在學校禮堂內用膳。裝潢餐具似懷舊餐廳，但尚算整潔。
南印烤厚餅，班戟質感的餅很討喜。
附上三款配菜(左起)：辣椰子蓉、薯蓉及辣雜菜。
雞肉雜菜沙律，於我而言好辣....不過相當惹味，雞肉非常嫩滑！
焗雜菜，酸酸的是少有的不辣。
Tandoori 烤雞，這裡用炭爐烤，雞肉入味難得保留住肉汁。
蒜蓉大蝦，一道非常似中菜的菜式，就像甜酸大蝦，蠻開胃的。
牛油烤餅，有點焦。外脆內軟，但我比較喜歡整個都是軟的那種。
印度雪糕，還以為是拉出來很有彈性那種...但我覺得是牛奶公司囉！$25好貴哦~
忘了叫什麼，椰子及米做的dumplings浸在甜甜的椰漿中，混有杏仁碎。大家都說太甜，我對於甜味是比較受得了~ 嘻~
沒拍到照的有菠菜湯，味道酸酸的像鹹酸菜湯，跟我想像的西洋菠菜忌廉湯有別。
買單四百多。
小插曲一段：吃飯其間不止一位客人投訴這裡的飯是冷的，有一位大聲斥責侍應沒有一間餐廳會serve冷飯給客人。真的不明白為何要大聲呼喝，似非要吸引全餐廳的視線不可，完全是有失自己身份！侍應的態度好好，值得一讚。
有沒有人可以告訴我，印度人慣用手拿食物，那麼傳統的印度飯是否應該不會太熱呢?
後記：貓妹在吃飯途中發燒，燒了一整天，現在尚在吃藥中。其餘成員全部喉嚨痛，貓媽更長了一大顆暗瘡！
唉，喉嚨好痛...
印度會餐廳
地址：佐敦加士居道24號印度會1樓
電話：2388 9991
瀏覽時間：
分
秒
24 則留言:
你都好彩, 全家人食完有野係你無野. 上次同你食海鮮又係...
感覺上呢餐印度餐好似唔多吸引~
得閒食下indian food都幾新鮮窩
咦，呢間印度會係唔係o係木球會隔離架？食物都幾特別，不過印度菜用的香料我就一般啦。可能熱氣得滯所以個個喉嚨痛啦，飲番杯涼茶清熱啦！
我諗D 食物好過我上次去重慶大廈個間呀~你全家人都病呀,關唔關LEE 餐事呀! 祝早日好番!!!
搽藥？搽喉嚨？ 我都估同間餐廳野食有關，可能你地食唔習慣呢！希望你地快D好番啦！
the foods look nice wor...
oh... take care ar..
小心身體~~自己食辣受唔到就要戒口呀.
幾特別既菜式 ! 有意思!
飲多啲水休息多啲會快好啲架!
哈咁都得？真係唔知比你笑死定激死好！
我都有 d bias，對印度餐冇乜大興趣... 不過，既然係父親節，最緊要係你爸爸 ok 就得啦。
今日我經過吉之島$10店，找不到你之前介紹"洗粉樸"物品，有點失望添！
我仲以為食印度菜一定用手添，是不是Ｄ食物很熱氣呢，所以食完之後出現喉嚨不適原因呢？
要早日康復呀 好多都啱我噃
我睇雜誌見到呢間餐廳的介紹, 都幾隱蔽呀! 唔講都無留意到~價錢都幾合理wor, 樣樣都幾好味咁, 特別係天多尼烤雞
香港的消費者....中了牛華毒,撟枉過縱
學校禮堂？係唔係harry porter個隻？
印度就唔知，不過我可以講東南亞。因為當地天氣熱，所以好多食物就算不是冷盤，都會放涼才吃的。
就像我老媽，也習慣吃放涼的飯菜。在廣東人眼中就「冇益」了。
香港好多人都鬧人唔使本啦。
以前以為印度餐唔好食, 但上次去過仔仔同學生日 party 試過d curry, 又幾得窩. 所以之後有去下食印度餐, 啱啱兩日前至食完, 幾好味呀. Tandoori 烤雞同麵包仲係小朋友至愛, 估唔到佢地都鍾意.
有趣的對應﹕ http://plastichk.blogspot.com/2008/06/blog-post_17.html
「印度人慣用手拿食物，那麼傳統的印度飯是否應該不會太熱」我記得聽人講過這個說法. 本人都認同. 還有他們的米飯會濕D同有小小生米, 先叫正宗. 印菜我最喜歡薄餅 Naan. QE山腳那間嗎? 我上次探病, 見有一大群印度人擁入去. 我想間餐廳幾正宗.
印度菜~很少食 我唔食得辣... 不過都覺得印度菜好惹味.. 但你一家食呢餐既代價...蠻大啊~~~ 又發燒仲個個喉嚨痛
有部份暴燥自我中心既客人...都唔理下其他國家既文化 係咁架喇...或者佢想你望下佢呢
其實去到醫院下面已經聞到好大陣咖哩香味, 不過貓妹短期內都唔會再去了。。。之後那幾天的回憶太慘痛了。。。
問番我阿媽﹕馬來餐食冷飯就唔至於，不過亦唔係滾熱辣。
馬來餐都係用手食的(我o係新加坡食過一次婚宴)，所以先拎黎比較。
發佈留言