為了表達我興奮的情緒,以下文章將以口語寫出。
♥。・゚♡゚・。♥。・゚♡゚・。♥。・゚♡゚・。♥。・゚♡゚・。゜♥。゚♡゚・。♥。・゚♡゚・。♥。・゚♡゚・。♥。・゚♡゚・。♥
登登登櫈!終於都可以簽哂喇!哇哈哈哈~~~~~
講緊嘅係高貓多年珍藏嘅孫耀威cd呀~
左起:愛的故事上集(1994)、愛的故事下集(1995)、有緣千里(1995)、HIT‧SIXTEEN(1997)、SO FAR SO..CLOSE(2007)
「有緣千里」係同酒井法子合唱架呢~
我攞出黎時大家睇到嘩嘩聲,係咪好震撼呢? 呢d係十幾年前買嘅cd黎架!等(放)咗十幾年,佢地終於都可以同Eric嘅簽名結合喇!
之前高貓都有提過(參考舊文),Eric係我第一位偶像,瘋狂程度係識我的人都想像唔到架~
再近距離接觸,實在太令人振奮喇~
明星我見唔少,但無一個可以令我咁情緒高漲! 嘻嘻~
我已經不顧身世,變成一位小fans。
Eric叫我入番而家個歌迷會...
唔...呢d咁需要energy嘅活動,都係留番比d年青人啦~ 我默默支持就得架喇~
我唔制呀~~~~~居然...手震!!!! >_<
Eric係一位溫文爾雅嘅歌星。咁多年之後依然都係咁靚仔~
係Eric身上一d都睇唔到歲月痕跡,只係man咗同大隻咗好多!
睇黎佢會好似劉德華一樣咁襟老,希望佢可以好似華仔一樣咁成功啦~
當然唔少得合照啦!真係開心到差d訓唔著~
10 則留言:
小fans, 擒晚有無瞓唔着呀?點解咁正有得近距離接觸呢? 我都幾鍾意佢, 以前都有買佢啲碟. 同埋我都覺得佢keep得幾好, 無乜變過, 勁!
我以前都有愛的故事上集, 都唔知去左邊了
冷靜少少, 原來唱片公司高層坐左喺佢隔離呀. 我都希望唱片公司對佢好D, 等佢可以越來越紅...
Katie:無訓唔著呀,但後悔無影d親密相囉~ 無幾可架嘛,難得佢咁閒任我武~ 蛋泥屎:good taste! 喱曹:噢原來佢係高層,真係失覺哂~(基本上我當時係睇唔到其他人...包括軒仔 ) 我將d簽咗名的cd放哂係檯,個高層都睇咗好耐呀~ 哈哈! 放心啦~ 相信個高層見到我個反應,應該對Eric好有信心架喇!
睇你地張合照....唔係誇張.....你似明星,佢似fans多d囉
阿細你真係俾足面! 其實係張相唔清啫~ 嘻嘻~ Eric係好靚仔架!
我最近去唱K,最鍾以唱佢既思前戀後 我覺得佢唱歌成熟左,好有感情,我去唱k都學佢唱得肉緊
右脾唱男聲好高難度喎~ 嘻嘻~ 我都覺得佢而家唱歌好聽過以前呀!多咗份男人味~
右脾去唱K鍾以唱男人歌 then可以獨佔首歌 solo, haha,我都覺佢成熟左,始終歌手有d人生月曆唱歌先有感情d
右脾妳真識貨!
發佈留言