2008年6月18日

印度會餐廳

你是第
位瀏覽本文章的友達



一直以為今個星期日才是父親節,當數日前得知上星期日是父親節,臨時翻雜誌,見到這間餐廳,猜想不會滿座。著貓妹致電,果然是有檯的。

餐廳位於印度會內,但對外開放,不是會員亦可。


樓底很高,感覺像在學校禮堂內用膳。裝潢餐具似懷舊餐廳,但尚算整潔。


南印烤厚餅,班戟質感的餅很討喜。


附上三款配菜(左起):辣椰子蓉、薯蓉及辣雜菜。


雞肉雜菜沙律,於我而言好辣....不過相當惹味,雞肉非常嫩滑!


焗雜菜,酸酸的是少有的不辣。



Tandoori 烤雞,這裡用炭爐烤,雞肉入味難得保留住肉汁。


蒜蓉大蝦,一道非常似中菜的菜式,就像甜酸大蝦,蠻開胃的。


牛油烤餅,有點焦。外脆內軟,但我比較喜歡整個都是軟的那種。


印度雪糕,還以為是拉出來很有彈性那種...但我覺得是牛奶公司囉!$25好貴哦~



忘了叫什麼,椰子及米做的dumplings浸在甜甜的椰漿中,混有杏仁碎。大家都說太甜,我對於甜味是比較受得了~ 嘻~


沒拍到照的有菠菜湯,味道酸酸的像鹹酸菜湯,跟我想像的西洋菠菜忌廉湯有別。
買單四百多。


小插曲一段:吃飯其間不止一位客人投訴這裡的飯是冷的,有一位大聲斥責侍應沒有一間餐廳會serve冷飯給客人。真的不明白為何要大聲呼喝,似非要吸引全餐廳的視線不可,完全是有失自己身份!侍應的態度好好,值得一讚。
有沒有人可以告訴我,印度人慣用手拿食物,那麼傳統的印度飯是否應該不會太熱呢?


後記:貓妹在吃飯途中發燒,燒了一整天,現在尚在吃藥中。其餘成員全部喉嚨痛,貓媽更長了一大顆暗瘡!

唉,喉嚨好痛...


印度會餐廳


地址:佐敦加士居道24號印度會1樓


電話:2388 9991


瀏覽時間:

24 則留言:

rachel 說...

你都好彩, 全家人食完有野係你無野. 上次同你食海鮮又係...

Lian 說...

感覺上呢餐印度餐好似唔多吸引~

Mimy 說...

得閒食下indian food都幾新鮮窩

Chris Cheung 說...

咦,呢間印度會係唔係o係木球會隔離架?食物都幾特別,不過印度菜用的香料我就一般啦。可能熱氣得滯所以個個喉嚨痛啦,飲番杯涼茶清熱啦!

Helloconnie 說...

我諗D 食物好過我上次去重慶大廈個間呀~你全家人都病呀,關唔關LEE 餐事呀! 祝早日好番!!!

Chris Cheung 說...

搽藥?搽喉嚨? 我都估同間餐廳野食有關,可能你地食唔習慣呢!希望你地快D好番啦!

Zzzz 說...

the foods look nice wor...
oh... take care ar..

From 說...

小心身體~~自己食辣受唔到就要戒口呀.

mayda 說...

幾特別既菜式 ! 有意思!
飲多啲水休息多啲會快好啲架!

Chris Cheung 說...

哈咁都得?真係唔知比你笑死定激死好!

Paul 說...

我都有 d bias,對印度餐冇乜大興趣... 不過,既然係父親節,最緊要係你爸爸 ok 就得啦。

NatalieChan 說...

今日我經過吉之島$10店,找不到你之前介紹"洗粉樸"物品,有點失望添!
我仲以為食印度菜一定用手添,是不是D食物很熱氣呢,所以食完之後出現喉嚨不適原因呢?

winze 說...

要早日康復呀 好多都啱我噃

yvonne 說...

我睇雜誌見到呢間餐廳的介紹, 都幾隱蔽呀! 唔講都無留意到~價錢都幾合理wor, 樣樣都幾好味咁, 特別係天多尼烤雞

家家爸 說...

香港的消費者....中了牛華毒,撟枉過縱

selenity 說...

學校禮堂?係唔係harry porter個隻?

Fu Yun 說...

印度就唔知,不過我可以講東南亞。因為當地天氣熱,所以好多食物就算不是冷盤,都會放涼才吃的。
就像我老媽,也習慣吃放涼的飯菜。在廣東人眼中就「冇益」了。
香港好多人都鬧人唔使本啦。

Brentski 說...

以前以為印度餐唔好食, 但上次去過仔仔同學生日 party 試過d curry, 又幾得窩. 所以之後有去下食印度餐, 啱啱兩日前至食完, 幾好味呀. Tandoori 烤雞同麵包仲係小朋友至愛, 估唔到佢地都鍾意.

Fu Yun 說...

有趣的對應﹕ http://plastichk.blogspot.com/2008/06/blog-post_17.html

小雲 說...

「印度人慣用手拿食物,那麼傳統的印度飯是否應該不會太熱」我記得聽人講過這個說法. 本人都認同. 還有他們的米飯會濕D同有小小生米, 先叫正宗. 印菜我最喜歡薄餅 Naan. QE山腳那間嗎? 我上次探病, 見有一大群印度人擁入去. 我想間餐廳幾正宗.

Janice 說...

印度菜~很少食 我唔食得辣... 不過都覺得印度菜好惹味.. 但你一家食呢餐既代價...蠻大啊~~~ 又發燒仲個個喉嚨痛
有部份暴燥自我中心既客人...都唔理下其他國家既文化 係咁架喇...或者佢想你望下佢呢

Elspeth 說...

其實去到醫院下面已經聞到好大陣咖哩香味, 不過貓妹短期內都唔會再去了。。。之後那幾天的回憶太慘痛了。。。

Fu Yun 說...

問番我阿媽﹕馬來餐食冷飯就唔至於,不過亦唔係滾熱辣。

Fu Yun 說...

馬來餐都係用手食的(我o係新加坡食過一次婚宴),所以先拎黎比較。

Related Posts with Thumbnails