日前高貓跟幾位友達參加了Apple Kitchen的蛋糕班，是次的款式是低脂日式豆腐紅豆芝士凍餅。
其實呢，高貓在家中也製作過好幾次芝士凍餅，因為不用焗，依書照做便可。
哪為什麼還要學這款餅? 因為我想改良製作方法及學做那些朱古力裝飾啊！
當中最重要的步驟是開魚膠，要是這步驟做不好，整個餅就凝結不了，又或是會吃到像西米般的魚膠粒！高貓從前就有試過這個失敗經驗！
還有其他的竅門如攪拌材料的秘訣等都不錯哦~
嘻嘻，這是我們的製成品。那些裝飾士多啤梨及朱古力都是自家製的，還不錯吧?
下一次想學做點有難度的OPERA蛋糕！
12 則留言:
又真係整得好靚啵﹗的顏色都襯得好靚~
好靚，唔知好唔好食呢？
好想吃啊 !!!
同房, 甚麼是OPERA蛋糕?
MuiMuimui ：多謝多謝~ 傻羊 ：味道唔錯架，唔太甜~ Always be positive ：嘻嘻下次預埋你丫~ Amy ：Opera係法式蛋糕，每層都由唔同味的朱古力及咖啡蛋糕組成，唔容易做架！可參考呢個網址： http://www.rthk.org.hk/elearning/dessert/cake_opera.htm
嘻嘻，我都有上蛋糕班架，得閒一齊切磋吓~~
似模似樣, 掂!
我都有諗過去學架~~ 不過最擔心係整完咁大個CAKE 一時間邊度搵咁多人食
高貓 ：咁又係呀，自己整既蛋糕除左可以裝飾外，仲可以特登整得冇咁甜、冇咁肥，岩哂想keep fit既女仔！ 蛋泥屎 ：如果你整到好似上次俾我果張相個士多啤梨蛋糕咁正，我保證會同你清哂佢！反正我都想增肥好耐！
芝士凍餅芝士凍餅芝士凍餅芝士凍餅芝士凍餅...
好靚呀..我成日都枇報下整cake..消磨下時間..但又懶搵 你響邊度學架?? 介紹下呀
細細：好呀，下次可以一齊學喎~ Katie ：多謝多謝~ 蛋泥屎 ：你可以拎比同事食呀~ 或者同朋友一齊學，兩個人share一個蛋糕丫~ 再唔係比傻羊食都得喎！ 傻羊 ：係呀，自己整可以調較味道嘛，但學整時都係跟老師的recipe啦~ 右脾：似乎你好鍾意食cheese cake喎！ Um..!!!Lian!! ：我係 Apple Kitchen 度學，你可以click條link去睇睇。
發佈留言