澳洲牛奶公司的炒蛋，久仰大名，一直很想試試，無耐不知道在哪裡，要特地去找呢，又好像不大順路喎！
這天跟同房於Elements看完戲，對此處的餐廳又不感興趣(最主要是不想排隊喇！)，便到佐敦走走。
跟同房說起一直想試澳洲牛奶公司，她說正在附近，原來就在裕華國貨的不遠處呢！
叫了個燉奶及快餐分著吃。
燉奶真的很香滑喔！
傳說中最好吃的炒蛋，是蠻好吃的，蛋炒得剛剛熟而又有少許汁液，但沒有想像中特別。同房說這裡炒蛋的水準有些飄忽，當然無論如何不會差的，只是有10個好吃還是8個好吃的分別。
有人說這裡的伙計沒有什麼服務態度可言，我倒不覺得。我倆還未坐下伙計就搬來一張椅子供我們放包包，很貼心呀~
澳洲牛奶公司
地址：佐敦白加士街47號地下
電話：2730 1356
☆…☆…☆…☆…☆…☆…☆…☆…☆…☆…☆…☆…☆
新年後好像吃大了胃口，在辦公室零嘴吃不停。
其中兩樣：
日本神戶六甲芝士蛋糕，一盒五件，除了蛋糕本身有芝士香，面層還飾有camembert cheese。$55，City Super有售。
託友達從新加坡買來的BENGAWANSOLO曲奇餅，果真鬆脆，好吃好吃~
官網：http://www.bengawansolo.com.sg/
瀏覽時間：
14 則留言:
盒 cheese cake 好吸引呀!!! =]
靚女去到邊都有優待喎！"還未坐下伙計就搬來一張椅子供我們放包包，很貼心呀" 我的遭遇係："還未食完伙計就想收起我碟o野，很XX呀" 。不過我覺得呢間o野炒蛋同燉奶真係幾正。有一次同個Friend去仲發生左件低Bo野，陣間話你知。
哈咁要睇你想像力啦，當時唔忙o架，你試代入我個處境就知XX係乜。(哈哈我想強調我係一個斯文人！)
高貓你真係斯文！件低b事係咁，有日我帶左個Friend下午茶去呢度食，之前同佢講可能好多人，由安排入坐、落單、出餐到清理都係用極速，我叫佢醒少少用兩秒鐘諗食乜好啦。可能係我錯，咁樣俾左無形壓力佢。o係落單尾聲，我個Friend突然同伙記講："塊多士烘底，唔該！"我個腦仲諗緊多士烘底係乜，個伙記已經皮笑肉不笑咁講："咁即係要成塊架啦！"講完就轉身極速入單。我同成其他唔識人同一時候狂笑，我嘗試打完場同個Friend講："你個Gag都幾爛喎！"點知咁又引發第二輪笑聲。係我笑到標眼水同時，感受到笑聲係可以打破人同人之間隔膜！
The cookie I told you that's very good is Cashew Sugee Cookies!! Also, the Pandan Chiffon is very good too.
估唔到識飲識食的高貓居然未去過澳洲牛奶公司!!
D蛋係用牛奶炒的... 所以特別好味!!
我覺得我係因為天氣凍食大左個胃口...係時後收斂下喇~
我昨天都去了Elements看電影. 之後我就去了旺角的西門町台灣麵食, 都唔錯的.
西門町台灣麵食 地址 : 旺角通菜街2號鴻光大廈2N號地舖 電話 : 2332-4673
果度係好食，因為細個就係住油麻地。 服務態度麻麻，是因為他們實在太忙，客人走了又來。如果你不快點叫菜，他們真的會覺得你「阻住地球轉」的。
至於加奶炒蛋，其實老麥也是這樣做的。這是西方習慣。
燉奶同炒蛋我都好鍾意 ...仲有芝士蛋糕呀
BengawanSolo呢間餅店既野，就梗係好食(出晒名)。
只不過貴到飛起。
我未去坐低食過, 不過同事有時會幫我買件蛋治返公司, 好厚, 好大件!!
我都很喜歡去嗰到食野，最喜歡食是燉奶！
你有冇發覺係澳洲牛奶公司食野嘅人，基乎個個都叫同一樣食物呢？
我食o左炒蛋啦! 超好味呀!
發佈留言