快樂之道

這是高貓舊blog的一篇文章，轉載於此跟大家分享。

 

2007-04-24

看到今天信報財經新聞中，曹仁超的投資者日記，文中的一段頗有意思，想與大家分享一下。

節錄如下：

 

　　近期電視台許多時播放「明星」到落後地區嘅節目，睇到貧窮國家嘅小孩，認為佢地十分快樂，而認為香港小孩「身在福中不知福」。

　　心理學家通過試驗，發現長時間保持高興心情係非常困難嘅事。物質所帶來嘅快感可令情緒瞬即高漲，但呢種感覺卻難以持久，好快我地又回復到正常心境。

　　七十年代有機構研究彩票中獎者嘅心情；研究結果發現，彩票頭獎中獎者一年後嘅快樂程度甚至唔及一個冇中獎嘅人。換言之，加薪、結婚、居住環境改善，只能帶來眼前快樂，好快又回復正常。調查更發現，50％快樂與基因有關（即天生樂觀），同物質無關；40％才同客觀環境有關；10％則無法解釋。換言之，派D糖果或禮物畀貧窮國家嘅小孩子所睇到嘅快樂，只係物質刺激所帶來嘅短暫快感，可令情緒瞬間高漲，但好快又消失。如明星留多一天，第二天必定發現獲派糖果嘅窮國小孩子仍然一樣，有D快樂（因天生性格樂觀），有D唔快樂（因性格上較悲觀），同佢派糖前冇兩樣。

物質刺激快樂難持久

　　要保持牛市，必須繼續物質刺激，一旦停止，投資者情緒便好快由十分快樂回復到正常，便會引發大跌市！情況有如窮國小孩，第一天幾粒糖可令佢快樂，第二天必須加大物質刺激，佢才感到快樂，如果再係幾粒糖已不能令他快樂。換言之，股市一旦出現狂升，最後結果一定係暴跌，唔可能停留喺半空中！因為冇人可以持久地感覺快樂，因為所有物資刺激只能帶來短暫快樂，人好快又再悶悶不樂，除非改變人生觀，才能出現較持久嘅快樂（例如知足常樂）。只有知足及常做善事，才能令人有較持久嘅快樂，物質刺激只能帶來短暫快樂。

要持久快樂真不是一件易事。知足，就會常樂。老生常談，卻知易行難。

每個人心中都有自己的一把尺，尺度寬窄因人而異，沒有既定標準、沒有對與錯。這把尺正是價值觀及性格的形成。

價值觀不同的人可以結合的機會近乎零，除非改變價值觀。我認同隨著時間，價值觀或多或少會有所改變，但肯定不會是主觀地想變就變。

決定每一件事前，先問問自己「這是我想要的嗎?」、「我這樣做快樂嘛?」。答案自然不言而喻。