你是第位瀏覽本文章的友達
上星期跟一眾舊同僚飯聚，選了尖沙咀的小南國。
位於尖沙咀中心內，非常偏僻，但門口竟有多人在等位，相信大部份都是訂了檯的！因為我們訂了8時但等到8時40分才可入座囉！這樣的話為什麼還要訂檯呢? 
除此之外，這裡的景觀及食物其實不差。
醬鴨，夠入味
醉雞，還可以。
涼拌茄子，就是簡單的無甚特別，反而很欣賞伴碟那顆兔形車厘茄，好可愛！
干扁四季豆，帶點辣很惹味呢。
水煮牛肉，完全吃不出辣的，還稱得上是水煮嗎?
生煎包。
看，有很多湯哦~
砂鍋雲吞雞，普普通通。
忘記了甜品名，其實這個蠻飽肚的，花生酥跟合桃酥都做得唯妙唯肖，旁邊那些紅豆卷亦好吃。
買單八百多，雖說食物不俗又有尖沙咀海景，但其訂檯服務不好好改善的話，實在很難再光顧，除非有人預先等位吧！
小南國狀元樓
地址：尖沙咀麼地道66號尖沙咀中心1樓
電話：2369 8899
瀏覽時間：分秒
25 則留言:
睇呢篇個標題加埋尾就知你谷氣，一早訂左都要人等咁耐真係過份！好多餐廳訂左檯都要等好耐，訂左就快D，冇訂就再耐D。諗落有D似睇醫生掛號。唔好激氣，食多D好野補番！
唔，食飯最緊要開開心心！多謝你溫馨提示！
個甜品賣相好得意呀
我都好鐘意食干扁四季豆，不過係屋企煮怕麻煩冇走油始終冇咁好食。花生酥同合桃酥真係做得好似，都幾有心思喎！
唔，我都係咁話。難整又花工夫同好大油煙餸通通出街食。咦今次冇點小籠包？
好似好好味喎！
尖沙咀中心果頭都幾吊腳，最方便就係坐東鐵響尖東站落車。不過食完飯可以響海邊漫步都唔錯 (咁當然唔係成班人啦)！
我都奇怪你冇理由唔點小籠包喎，除非食過唔好食啦。
哈哈，因為小籠包變左食上海o野必叫(高貓 )，所以所以唔記得左都唔出奇喎！
咁你最高紀錄一次可以食幾多隻呀？
哈哈，我覺得一人一籠都幾high，不過根據 Law of Diminishing Marginal Utility 食得太多就未必咁好食啦。
哈我拋書包扮o野姐。你一句"少食多滋味"已經搞掂！你係唔係日日帶住部相機o架？定話你多數用手機影呢？
我今日食晚飯左部相機出泥，諗住影食乜啦。個陣都成十點半已經唔多人，點知好多人望過泥搞到我唔好意思影，可能我唔習慣啦。
Law of Diminishing Marginal Utility 係econ 野．．意即當食越多，滿足感會慢慢下降
呢到值得再去？
wah...好客氣
不守信用的人太多，所以唯有多接訂。就像航空公司總會賣出比機位多的機票一樣。他們為了多賺錢就懶理你們等多一會。
伴碟那顆兔形車厘茄，好可愛 --> 係bor, 下次可以自己試o下整呀!!!!
甜品造型很正，見到張相已經想咬一口啦！
生煎包好味呀!
你問我買o左乜野brand o既jeans 呀? CNC 呀... 有 "部份" o既 cutting 幾 (arm) 佢ga. (not all, 因為有d 好rock ga)
小南國最好味的是蟹粉豆腐!!!
下次試吓呀... 其實小南國我都ok鐘意架
可能你人多的關係, 上次我2個人walkin即刻有位呀.
醉雞真的不錯, 服務態度都萛ok, 環境比想像中靜, 講野唔駛咁大聲.
我好想食醉雞呀~
訂咗枱都要等......其實邊個都唔想，背後可能有好多原因or苦衷，希望香港人可以體諒一吓嗰啲咁繁忙嘅餐廳。
如果冇乜人去嘅餐廳，俾你都未必會好幫襯啦，係咪？
發佈留言