上星期跟兩位好友達晚飯，選了荃灣的Olive Cafe。已有很長時間沒光顧這間餐廳，它剛開業時剛巧在這區上班，經常和前男友光顧。像是很久以前的事了~
印象中這裡的食物非常不錯，就提議前往。
忌廉南瓜湯，普普通通。
白汁雜菌寬條麵，除了份量小了點，味道不錯的。
帶子松露意大利飯
先不説味道，這個意大利飯有夠奇怪，咬下去口感竟然像泰國香米！
味道方面，鹹了一點。
非洲雞，我覺得是最好吃的一道菜，鹹中帶甜，雞肉亦很嫩滑。
買單約$400。
沒有印象中的好，但當然，食物還是可以的。
也許，變的是人的口味，而不是味道的本身。
Olive Cafe
地址：荃灣眾安街68號荃灣城市中心地下
電話： 2940 6272
瀏覽時間：分秒
17 則留言:
(Empty)
好似都唔錯窩~ 我想試下個白汁意粉
大埔都有一間Olive, 食物的確比剛開業差了. 通脹影響已經無聲無色滲透到各行各業. 但我寧願佢加價,都好過張貨就價. 這是我對食物的堅持.
時間總會將愉快的回憶美化，其他的沉澱。偶爾回望都不錯，不過更好的其實就在前面啊！
唔用"貓の部屋"水印，怕唔怕俾人不問自取呀？
我記得這間餐廳的芒果蛋糕和藍莓蛋糕不太甜又好好味~ 為什麼不叫甜品喎? LY
新機好用嗎？搵唔番都唔緊要啦，襯機會換個新水印嘛。舊電腦咁快手Format左？個Hard Disk最好拆出來打爛先棄置會穩陣D！
你今次唔認電腦勁都唔得！真係唔係好多女仔玩電腦咁o力o架！個Mouse係唔係送架？送o個D係咁上下。嘻嘻，唔一定艷照，仲有其他私人o野嘛！
"變的是人的口味，而不是味道的本身。" --> 非常同意, 有時發現有d 食物以前好鍾意食, 但現在口味改變或變得挑剔o左, 而冇再咁鍾意食啦.
好彩你唔係話部機你砌，唔係我真係O晒嘴！買隻 新的optical mouse啦，其實mouse都好緊要o架。
你依家番緊呢首 劉若英 既 -我很好- .. 我都好鍾意呢 ~~
非洲雞我末食過 .. 唔知好唔好味 ..?
望落去"非洲雞"最想嘗試，可能這名已經吸引咗我啦！
經常經過荃灣都唔覺有這間鋪頭出現添！
其實我對你呢篇明寫飲食，側寫感情感受很深。(定我想多左？)曾經和前度女友常去的餐廳我都冇再去，可能怕觸景傷情，更怕遇上她和另一個他。寧願將在餐廳中渡過的美好時光永留於心，也不想被破壞。希望有日我也可以笑說：我很好！
好多人都話呢間幾好味， 但係唔太就腳．．．．
點解你可以食勻港九新界既？定係你識得好多friend可以帶你周圍去食野？
咦 ? 乜個度有間咁嘢咩 ?
400蚊三個人... 唔貴唔平... 我至怕食中價西餐... 因為唔上唔落... 食西餐好明顯... 我同常一係就平到花園餐廳咁... 又底又好味... 一係就食貴D...
今日和大學同學談到美國大學時校園時期被視為美食的餐廳... 大家也不敢再去... 因為知道再去一定不會好味... 畢竟現在吃慣了香港的美食... 不如留個美好回憶好了
發佈留言