不用上班的日子，通常起床時間是下午。
但最近的週末，我都於早上十時多便醒來，是自然醒的那種喎！
然後，是洗衣服及(略略)執捨家居，吃個brunch。我覺得很有家庭主婦的感覺...
日文課後，去了銅鑼灣會合友達們。
週末的銅鑼灣到處都是人，沒有訂檯真不知哪裡有位。走到腳都跛了，最後去了世貿碰運氣。
看到名家門外沒人等位，詢問下沒有訂檯最少等一個小時(！)，唯有放棄...誰不知友達Y到達時去問，竟然給她拿到檯！那之前分明是欺負我呀！
甫坐下，便嗅到強烈的燒烤味。
前菜八小碟。
燒豬排骨，味道不錯。
魚卵湯，看它紅紅卻不辣的，我覺得魚卵有點腥，但友達卻異常愛吃！
石頭鍋飯，非常一般....那些飯焦超黏牙的。
買單四百多，吃完後滿身油煙味，不會再來了。要吃韓國燒烤料理，還是喜歡韓雅林。
吃飯時友達S拿出他的$100祟光現金劵說不知道如何可用，我跟Y當然很樂意協助使用啦~
去到SOGO地庫，我倆瘋狂的在搜尋食物待看戲時吃，誓要用盡那$100。
最後發現這間北海道牛奶雪糕，買了四種口味(但我們只有三個人囉！)，分別是牛奶、芝麻、曲奇及紫蕃薯。味道很不錯，有香濃奶味，質地亦很滑溜。
當然，最終是吃不完那四杯雪糕喇~
這件事教訓大家，財不可露眼！
晚上看了「我的最愛」，老實說入場時無甚期望，但出乎意料的不俗，至少比想像中好看。
在沒有太多選擇的這個檔期，我覺得是可以一看的。
入場前在時代戲院拿了這本似是給遊客看的英文雜誌，裡面介紹的餐廳都不錯，資料實用，珍藏中。
地址：銅鑼灣告士打道280 號世貿中心3樓 (2008年3月20日起遷往13樓)
電話：2882 5056
瀏覽時間：分秒
15 則留言:
哈唔怪得之你話食雪糕食到上癮啦！
高貓真係好賢淑！咁早起身打理家頭細務，煮飯又叻！又照顧貓妹！又勤力進修！嘩，真係絕冇得頂呀！
我都想搵個周未係咁執野。我尋日d衫畀男朋友極冧晒，即時勁down.
辛苦晒你地用埋張coupon, 你想增肥??
我都好怕油煙味
滿身油煙味去看電影, 坐你附近的人真係慘. 明明睇緊愛情片, 但成日都有陣燒烤味, 個feel好唔夾.
嘻唔好咁謙啦！我都好懶做家務，所以會請鐘點做清潔。
嘻等貓爸貓媽臨番黎先大掃除都唔遲啦！
唉我以後係Yahoo想post野之前一定會save左先！
我篇野仲未打完，我打左段野連相0係回應比你，一按儲存就乜都無晒。我知打過就得，但係你知我打野有幾快啦！
冇計，我仲打到鬼死咁長！唯有夜少少收工前再打過啦。
吃飯時友達S拿出他的$100祟光現金劵說不知道如何可用 unbelievable, i am too good at using sogo coupons, cant believe some one on earth dont know how to spend them wakkaka
weekend 四圍都係人, 所以我成日都提人easter 快d 訂定位食飯lor.
Sogo coupon 比我都實買到野啦! 我結婚時有個auntie 比o左 $10,000 Sogo coupon 我呀.
我都試過呢隻雪糕, 都幾好味呀.
"獨家試愛"同"十分愛"我都有睇，如果得閒都會睇埋"我的最愛"。講起十分愛，我個Friend上畫o個排唔得閒睇，一出DVD就求其入左間影音舖買，番到屋企拎定汽水薯片出o黎啦…隻碟竟然變左…"千般愛"！
呢單野分分鐘可以擺上警訊law
真係有架！我放工想去買"Kite Runner" DVD 都見到隻"千般愛"，見到都想笑！
發佈留言