大角咀這一帶有很多美食，下班後跟同僚們特地到此品嚐。
這間餐廳是間平民西餐廳，從外看上去不太起眼那種。
聽說晚市時段必定爆滿，這天我們晚上十時才到，所以就不用等位了~
煙三文魚凱撒沙律，除了麵包粒不脆外，其他的都很好。其實只要材料夠新鮮，這道菜一般都不會難吃的喇！
蜜糖烤雞翼，非常好吃！現做的雞翼熱騰騰，雞皮薄脆甜兼而有之，咬下肉汁四溢，我們encore了一客。
芝士肉醬焗薯皮亦做得不錯，焗得剛好不會過乾。
金船長漢堡包，這裡的招牌菜。
店員會問你想要多少成熟，以街坊餐廳來說很專業呢！
再者，其質素亦相當高，店主建議七成熟，厚厚的漢堡扒充滿肉汁，配菜亦好吃，薯條炸得外脆內軟，是放大版的麥噹噹薯條啊！
大大的一份才賣四十大洋，比那些貴價快餐甚至露比星期二都要美味及划算呢~
自選車仔意粉，pasta及配料均可自由配搭。忘了這個是什麼炒天使麵，炒得夠香味道不俗，唯獨那些蝦不夠鮮。
意式奶凍，老闆介紹時稱這個奶凍比豆腐花還要滑。
事實是果然很滑，但當然不及豆腐花啦！甜度適中，讚呢！
心太軟，恰如其份，但沒有驚喜就是了。
不知是否太餓之故，我覺得連伴碟的雲呢拿雪糕都很不錯，充滿香草味。Z走去問店主究竟是什麼牌子呢?
支支吾吾的最終告訴我們是牛奶公司出品，但我真的覺得好味喎！可能是太久沒光顧牛奶公司其質素提升了不少吧！
買單三百多。
除了食物出色，其店員的服務亦很好哦~ 絕對可以再來！
金船長餐廳
地址：大角咀大全街55號3A
電話：2381 7369
瀏覽時間：分秒
16 則留言:
呢個介紹得好。絕對值得一試！
你越黎越PRO, 可以考慮寫食評! 希望下次我可以同埋你地一齊去
Ｏ!!!.......大吉........
你個Ｂｌｏｇ..唔可以日日睇.睇完一係肚餓.一係就好想食.
唔係餓暈就.口水流乾而死..........所以我决定先去大角咀食餐勁.再買料今晚自己煮.......
估唔到大角咀都有好野食喎！
hi, 路過八卦吓, 睇到口水流, 定係影得靚呢..請問相片點樣加clip上去呢 ? 有特式呢..
呢間我都食過，真係幾好味架！而且服務態度幾好，不過星期五六晚一定要訂位先。雞翼未食過，等我下次試先。
大角咀真係好多美食.
我0係大角咀返工, 你過開黎可以搵埋我食飯架.
哈我諗你Easter呢排都會週圍去玩同食野，咁我地又可以有好多又吸引又Pro食評睇啦！
Happy Easter !
這個都在我的試食名單中. 但地點比較僻. 還沒有去. 漢堡包fans的我,好想去食包包.
香港呢幾年多左好多食漢堡包的選擇，有Burger King, Triple O's, MOS Burger, Freshness Burger, Fat Burger, Atomic Party, Duke's Burger等等，真係數都數唔晒！
好多人都話呢間好食同埋service好. 但我問過一個住喺大角咀嘅朋友呢間嘢喺邊, 佢竟然話: 唔知, 聽都未聽過....
唔知呀, 會唔會因為呢間嘅位置偏啲呢?
D野食又好似幾好o甘窩~
原來你咁鐘意食野呀!!!勁呀!! 呢間店俾你讚到我都好想去食呀!!!~~
發佈留言