你是第位瀏覽本文章的友達
昨晚是高貓第一次去大球場看比賽,放工後先在銅鑼灣晚飯。
位於世貿中心九樓,全層均屬於Hair corner集團的店,命名為HEA place,即是a place to hea(消磨時間)。這裡有美髮店、花卉店及餐廳。
賣點之一,是其開揚海景...唔...我們坐的這邊比較遜色。
燒鯖花魚,做得相當不錯,肉質彈牙,油香豐腴。
汁燒魚餅,其實是汁燒墨魚餅。味道不錯的,但當然這種食物很難會不好吃。
天婦羅炸得很好,粉漿薄脆,食物新鮮。
牛肉烏冬,烏冬有手打的跟非手打的可選,價錢相差二十元,我們選了普通的烏冬。
牛肉沒有煮到全熟,浸久了亦保持鮮嫩不會韌,烏冬亦很Q。
買單約四百元,消費滿一百元送十元現金券。
這裡的食物不錯,雖然價錢是比一般的mark up了,但連環境計算在內,是可以一吃。
飯後匆匆的趕到大球場,觀看南華對意甲勁旅祖雲達斯的比賽。
山頂的朋友好呀~
南華18號入替13號。
南華入第一球,全場歡呼!
球員受傷,似乎是司空見慣。
這幕很溫情,其中一位南華球員突然抽筋,祖雲達斯球員替他拉筋。紅圈內是南華球員的腳。
隔鄰坐著很多非常面熟的人,其中有余錦基及這位疑似鄒凱光(說是疑似,因為看了很久也不能確定)。中場休息時還見到南華球主夫人梁芷珊。
看至八十多分鐘,覺得很累便提早離開。當時是南華以二比零領先,離場不久就聽到祖雲達斯入球了。
問我好看與否呢? 老實說平日沒有看足球的習慣,只會於世界盃的最後幾強才看。對於祖雲達斯的表現,很失望哦...表現強差人意,幸好是贈票喇!
At Corner
地址:銅鑼灣世貿中心9/F
電話:2576 6777
18 則留言:
係好似鄒凱光哦
哈哈!我都唔知邊位係鄒凱光添!不過,你講波都有兩咀喎!只係僅次於伍晃榮啫!
拍拖去睇波幾得意喎
鄒凱光係唔係夜晚1:30廣播劇果個???
當我無估過
依餐4百蚊貴左0的喎, 0的野好普通.
咁又係~~~最緊要好食
你有冇追電視睇???
大老爺同三少奶做得好好, 勁奸
近排愛上追電視劇...變左C9
D食物真係幾好甘窩..我最鐘意有海景既地方~
我睇過一次波,中學時的賀歲杯,有曼聯
我都覺得好似係鄒凱光
seem a quite nice place for have dinner ar~
$400 幾多人食先? 睇見好想食
兩個人食咁少野,夠飽架喇? d野食賣相幾好,貴左少少,但情調都好似唔錯。 有免費飛咁好?邊度有得攞?
鄒凱光 係"在晴朗的一天出發"o個個,仲有 盧覓雪 & 林凱 峰, 朝早7:00 ~ 10:00(大致上係咁,可能有小小出入啦)
你個位好近場區喎. 我通常都做山頂的朋友.
我真係未現場睇過波喎~~我諗應該好興奮架!!!
祖仔同曼城來去匆匆,我都追唔切佢地d news....
唔,我對足球興趣唔大,不過我諗現場好多人一齊睇波個氣氛應該幾好!
原來高貓都有去看球賽.... 但賽果出人意表
發佈留言