你是第位瀏覽本文章的友達
星期天,跟一班學長學姐到深圳進行其中一人的慶生活動。
為什麼慶生要走到老遠呢? 說穿了,其實是借慶生之名去玩罷!
第一次坐落馬州線,這個站很清潔啊,也沒什麼人。我們像大鄉里般在這裡拍拍拍。
出閘後一直前往便到深圳關口。
這次最大的收穫,莫過於辦妥了內地「e道」。在關口憑回鄉証可即場於特別櫃檯申請,手續簡單只需數分鐘便弄妥。羅湖口岸亦可申請,但人數多需時較長。
以後有了e道,過境就不用去排關卡櫃檯啦!
要換錢的話,可以在入地鐵前於站內的櫃檯換,兌換率還算不錯。
過境後坐地鐵到少年宮站,先吃個午餐準備逛書城。
書城內沒有太多餐廳,最多人的是肯德基,亦有必勝客及星巴克。
我們選了間叫做城市扒王的餐廳,雖打正旗號賣西餐,但內裡卻是高級酒樓格局,而此處亦有中餐提供。
羊肚菇金瑤燉花膠湯,湯很甜,RMB38不算便宜,但味道不錯。
忘了名字,是把肉釀在豆腐內,這個好送飯。
露筍銀鱈魚,份量不多,味道不俗。
小棠菜鍋餅,一般吃的是棠菜混麵粉去炸,但這個竟是混魚肉,出來的效果亦不錯呀。
紫蘇葉炸小排,味道很好,不過呢...不要看它很肥美,其實這些排真的很小....無肉可言,感覺好像在吃有味道的骨頭。
鐵板牛柳,一看就知非常有鑊氣,微辣的。
男仕們想試西餐,叫了個牛扒拼羊扒(RMB48)。
切下時覺得肉很腍,但可惜是下了梳打粉之故,無甚肉香。
在內地還是吃中餐穩妥。
席間大家談起潮語這個話題,有人說在港大現正流行一用詞,讀音「尖漸」,你又知道是什麼意思嗎?
答案下篇開估。
買單約RMB四百元,雖食物不差,但這價錢我覺得是有點貴。
城市扒王
地址:深圳市福田區紅荔路深圳書城中心城B區229
電話:0755 23992133、23992168
如何前往:地鐵4號線青少年宮D出口
在書城逛了個多小時,買了兩本書。
其中一本是日本美容達人佐伯千津的美肌革命,教授正確護膚概念及手勢。
接著便出發去按摩中心。
(待續)
22 則留言:
你們的節目都幾豐富喎, 要先寫上篇. 我都認同返國內, 最好都係食中菜. 其他國家的菜式, 無試過, 無口碑, 第一次就食, 通常都出事.
我好耐無去過深圳啦!!! 睇到 d 相好似好吸引呢~ 如果無朋友或者雜誌介紹o既話,我諗我o係深圳係唔敢試 d 新o野啊... btw,我諗我知道「尖漸」係乜o野意思...
係大陸真係只有中國菜好味呀, 不過唔知點解睇到好多BLOG 友上去食日本鐵板燒喎, 真係咁好食?
I think is really difficulty to read simpified Chinese ah..
D野食又幾唔錯窩~ 我最想食個豆腐~
上深圳咪搞我, 無乜好感.
N年前上去按摩有不快經驗, 都唔好意思講
貓姐姐, 小玄弟0係正經場地比女孩左摸右摸, 嚇到即閃. 自此無再踏足深圳...太恐怖.
靚仔都話抽下水...咁餓不擇食 , 怪不得咁多麻甩佬包二奶當自己成個情聖咁.
正經場地~~唔係正經唔去
睇你0的食物相, 好似落好多油煮.
係咩, 我都未試過post咁多相, 唔知個限制. 對不起.
內地D中菜真係好好味,其他西餐或者日本野就冇乜衝動試,我覺得香港有更好選擇。"尖漸"除左令人O哂嘴仲滴哂汗呀!
真係好多人閒時北上消費啊! 又唔多人喎?!
哈,因為我o係hku做架。
即係沾沾自喜囉。我成日咁樣過我男朋友 我都好想去書城。but男朋友話深圳係罪惡之城。唔畀去
哈,我幾乎隔個星期就同D學生食Lucnh,我雖然係IT人,不過要幫手Summer exchange program同Student Society。初初黎佢地係咁約我食"勁過飯"我都唔知係乜黎架。
我都係好想去書城
不過呢...國內無治安可言, 早排親戚在廣州比一班持有槍械搶劫...貓姐你話我邊夠膽上去.
早知你上幫我買幾本書返來啦, 平咁多....呵呵呵~~
內地D書真係好平好抵!不過簡體字真係要好吃力先睇得完。深圳治安的確令人擔心,成日都聽聞好多搶劫,我諗著得"Seven" D應該有幫助,同埋最緊要財不可露眼呀。
本書ok 嗎?
美肌革命我好有興趣
u can post all photo in 1 blog! simply post photos in draft blog and then press select all in that blog and place them all in your orignal blog
each blog can allow 20 max, if u have 60 photos to upload, u need to separatedly save in 3 draft (whwatever u call)...and then select all photos in the draft and paste them in the final blog u want to post~hope that's clear
睇個樣好似幾好味喎。
想告訴你一件事,其實你到邊防檢查站係唔可以影相的,不過好彩他們發現不到,呵呵
發佈留言